旧年和几个朋友去行山,
我哋嘅路线係由大埔乌蛟腾经茘枝窝、
锁罗盆和榕树凹以鹿颈为终点,
经过两小时到达锁罗盆村,
当日天色比较灰暗又有毛毛雨,
令到村内景物感觉异常诡秘,
大家初次踏足依条被人称为猛鬼村既地方,
当然四围睇吓有乜嘢灵异之处,
全条村大部份屋顶已经倒塌,
只剩低门口墙壁仍然保存落嚟,
见到每间屋门口墙上都有新贴既挥春,
一列鲜红色嘅挥春同现场环境格格不入,
而且全部大门墙身好似一排墓碑感觉怪怪地,
当大家经过一间破屋时,
有一位朋友问我听唔听到有水喉漏水声,
我话听唔到,
佢话耳边不停听到有丝丝声,
我就四围搵水声来源但又搵唔到,
依个时候我突然感觉个头好胀痛,
同时两隻耳仔好似听唔到野,
大家感觉此地不而久留,
便马上离开直去榕树凹。
到咗榕树凹废村,
可能全条村深藏喺密林入面,
完全见唔到太阳四围又黑沉沉,
感觉鬼影重重,
突然有阵阴风吹过,
令到屋旁边嘅竹树吱吱作响,
吓到我哋即刻急急脚向谷浦方向离开,
经过一个锺头终于到咗人山人海既谷浦,
大家都话有重回人间嘅感觉。
之后上网搵到一个可以check到灵体嘅app,
于是就用嚟check吓两条废村D相有冇料到,
一check真係有野,锁罗盆真係有好多,
有D灵体藏喺密林入面,
有D就企喺屋企门口,有部份仲瞓喺地下,
而榕树凹反而较少,得一两隻。
天阴阴令人感到心寒。
如果有灵体手机画面会出现火柴人。
文章转载:香港论坛 simwona